गजल - राजेन्द्र मल्ल


YYY



ज्योतिषीले चिना हेर्दा दशा साँढे सात थियो ।
तिम्रै घर पाईला चालें जवानीको मात थियो ॥



पूजा भन्थ्यौ तिम्रो घराँ फेरि किन खाली? सोधें।
के सुनें खै मैले कानमा नशा लाग्ने बात थियो ॥



भोक मिठो भोजन भन्दा प्यास मिठो किन झन् ।
तिम्ले देह कब्जा गर्दा जुनकिरीको रात थियो ॥



फूल सम्झि चुमें मैले बेहोशीमै कता कता ।
भाले बास्यो ब्युँझि हेर्दा छाती माथि लात थियो ॥



कस्ले देख्छ? प्राण भित्र राहुकेतु लुकेको छ ।
आखाँ चिम्ली सहि गरें त्यँही तिम्रो घात थियो ॥



राजेन्द्र मल्ल

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]