धादिंङमा नेपालमै पहिलोपटक कविघर शिलन्यास


YYY

२०६८ जेष्ठ ७, शनिवारका दिन धादिंङको सदरमुकाम धादिंङ बेंशी स्थित भानु वाटिकामा नेपालमै पहिलो कविघर तथा अध्ययन केन्द्र एक समारोहका बीच त्रिभुवन विश्व विद्यालय केन्द्रिय क्यामपसका प्रमुख प्रा. राजेन्द्र सुवेदी र भानु प्रतिष्ठानका अध्यक्ष एवं प्रा.डा. व्रतराज आचार्यले कविघरको जग हाली संयुक्त रुपमा शिलन्यास गर्नु भयो । उक्त कविघरमा सुरुमा धादिंङबाट प्रकाशित भएका र धादिंङका विषयमा लेखिएका सबै कृतिहरु समावेश गरिने बताइएको छ । उक्त कार्यक्रममा प्रकाश सापकोटा, शिव शर्मा, ऋषिकेश दाहाल, कृष्ण घिमिरे, नवराज लम्साल, नवीनवन्धु पहाडी, राजेन्द्र मल्ल,अनिता लोहनी, विण्णु प्रसाद सेढाईं लगायत ५१ कवि कवयत्रीहरुले कविता वाचन गरेका थिए भने गायक लालकाजी श्रेष्ठले हाम्रो धादिंङ राम्रो धादिंङ गाएर आफ्नो प्रस्तुती पस्किनु भएको थियो ।

करिव ३०० भन्दा ज्यादा संख्यामा साहित्य प्रेमीहरुको भव्य उपस्थिति भएको कार्यक्रममा प्रा. राजेन्द्र सुवेदी, प्रा. डा. व्रतराज आचार्य, प्रा. डा. मोहन तिम्सिना, प्रमुख जिल्ला अधिकारी भरत पौडेल, संगीतकर्मी बुलु मुकारुङ र भानु प्रतिष्ठानका महासचिव डि.पी. अर्यालज्यूले पनि सम्वोधन गर्नुभएको थियो । स्थानिय विकाश अधिकारी शंकर नेपालको सभापतित्वमा संचालित सो काव्यसभाको सञ्चालन प्रकाश पौडेल र स्वागत नवीनवन्धु पहाडीले गर्नुभएको थियो ।

समारोहमा वाचन गरिएका सृजनाहरु धादिंङ अनलाईनमा क्रमश: प्रकाशित हुनेछन् ।

राजेन्द्र मल्ल
धादिङ

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]