कांग्रेसको विरोधका कारण संसदको बैठक पाँचौ पटक स्थगित


YYY
 साउन १५ काठमाडौँ।   प्रधानमन्त्रीको राजीनामा माग गर्दै नेपाली  कांग्रेस ले विरोध जनाएपछि व्यबस्थापिका संसदको बैठक नियमित कार्यसूचीमा प्रवेश नगरी लगायत पाँचौ पटक पनि स्थगित भएको छ । व्यबस्थापिका संसदको आइतबार बसेको बैठकको सुरुमै नेपाली  कांग्रेस का अफ्ताब आलमले संविधानसभाको म्याद थपका क्रममा भएको सहमति अनुसार प्रधामनन्त्रीले तत्काल राजीनमा गर्नुपर्नेमा प्रधामनन्त्रीले पाँचबुदेलाई लत्याएको आरोप लगाउनुभयो । 

संसदमा आफैंले गरेको प्रतिबद्धता विपरित राजीनामा नगरेर प्रधानमन्त्रीले सिंगो राष्ट्रलाई ढाँट्ने, संसदको अपमान र जनतालाई झुक्काउने काम गरेको उहाँले जीकिर गर्नुभयो । सरकारलाई कसरी टिकाउने भन्नेमै प्रधानमन्त्रीको ध्यानका कारण शान्ति प्रक्रिया एक इन्च पनि अघि बढ्न नसकेको आलमको भनाइ थियो ।  कांग्रेसकै लक्ष्मण घिमिरेले संसदको अबरोध लम्बाउनमा स्वंय प्रधानमन्त्री जिम्मेवार रहेकोले संसदको नियमित क्रियाकलाप अगाडि नबढाउन आग्रह गर्नुभयो ।

 त्यसपछि सभामुखले संसदको बैठक आगामी १७ गते मंगलवार दिउँसो तीन बजे सम्मका लागि स्थगित गर्नुभयो ।

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]