एनआरएन अष्ट्रेलियाको अध्यक्षमा गणेश केसी निर्वाचित


YYY
सिड्नी । गैर आवासिय नेपाली संघ (एनआरएन ) अष्ट्रेलियाको अध्यक्षमा गणेश केसी निर्वाचित भएका छन् । चौथो अधिवेसन अन्तर्गत दुई वर्षका लागि भएको निर्वाचनमा केसी १४११ मत प्राप्तगरी निर्वाचित भएका हुन्।

निर्वाचन आयुक्त दिपक खड्काका अनुसार प्रजातान्त्रिक प्यानलको नेतृत्व गरेका केसीका प्रतिद्धन्दी वर्तमान सचिव पदमा कार्यरत विष्णु हमालले १२२८ मत प्राप्त गरेका थिए ।

निर्वाचन परिणाम सार्वजनिकपछि नवनिर्वाचित अध्यक्ष केसीले अफ्नो चुनावी प्रतिवद्धता अनुसार अष्ट्रेलियाको नेपाली समुदायको सेवा गर्ने बताए । केसीले नेतृत्व गरेको प्यानल सचिव, कोषाध्यक्ष, आईसिसिमा एक सदस्य, दुई उपाध्यक्ष बाहेक अधिकंस पदमा विजयी भएको छ । सचिव पदमा महेन्द्र ओलीले झण्डै तिन सय मत अन्तरले समिम अनवरलाई हराएका छन् । यस्तै कोषाध्यक्ष पदमा भरत पोखरेल १३२३ मत ल्याएर विजयी भएका छन् ।

आइतबार अष्ट्रेलियाको आठओटै राज्यमा एकसाथ भएको मतदानमा करिव २५ सय मत खसेको थियो । एनआरएन को उपाध्यक्ष पदमा पदम लाल सापकोटा -न्यु साउथ वेल्स), भैरव ढकाल -पश्चिम अष्ट्रेलिया) र स्वतन्त्र प्रताप शाह -क्विइन्सल्याण्ड) मा विजयी भएका छन् । यसैगरी पाँचजना आईसिसि सदस्यहरुमा भुमा देवी लिम्वु, नरेश थापा, प्रलाद केसी, तपेन्द्र थापा र सुरेन्द्र सिग्देलले स्थान सुरक्षित गरेका छन् ।

एनआरएन अष्ट्रेलियाको चौथो अधिवेसन अन्तर्गत भएको मतदानमा नेपाली कांग्रेस, एमाले र माओवादीको समर्थनमा तीनवटा प्यानल खडा भएका थिए । केसी र हमालले क्रमस कांग्रेस र एमालेको प्यानलको नेतृत्व गरेका थिए । एनआरएनलाई राजनीतिकरण गरिएको भन्दै केही युवाहरुले चुनाव बहिस्कार समेत गरेका थिए।

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]