धेरै भयो सम्झनामा


YYY


धेरै भयो सम्झनामा तिमी नआएको

हृदयको सुनाखरी फुल्न नपाएको



घाम जून दिनपनी लाग्नै छोड्यो प्यारो

मनको बागमा परिरैछ हरदम तुषारो

झल्को आउँछ गुराँश टिपी शिरमा लगाएको

उकाली र ओरालिमा तिम्ले सघाएको



युगै भयो सपनिमा तिमी नआएको

हृदयको सुनाखरी फुल्न नपाएको

धेरै भयो सम्झनामा.....



कल्पनामै आएपनी मनमा खुशी फुल्थ्यो

तिम्रै नाम फूलपात डालीडाली झुल्थ्यो

याद आउँछ सँगसङ्गै खुशी सजाएको

सुसेलिको भाका हाली नजिक बोलाएको



धेरै भयो सम्झनामा तिमी नआएको

हृदयको सुनाखरी फुल्न नपाएको



दीप्स शाह

12/8/2011

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]