सबै नयाँ मन्त्रीहरुलाई एकैपटक सपथ गराउन नसकिने प्रधानमन्त्रीको अडान माओवादीका प्रस्तावित मन्त्रीहरुको सपथ अन्यौलमा


YYY
ठाकुर कपाली
 साउन १६ धुलिखेल ।एकीकृत नेकपा माओवादीले प्रस्ताव गरेको नयाँ मन्त्रीहरुको आज हुने भनिएको सपथ अन्यौलमा परेको छ । शान्ति र संविधान निर्माणका प्रकि्रया र राष्ट्रिय सहमतिका माओवादी प्रतिवद्धता आएमा प्रधानमन्त्रीले आज साँझसम्ममा नयाँ मन्त्रीहरुलाई सपथ गराउनुहुने बताइएको थियो । तर अहिलेको सरकारमा सहभागी मन्त्रीहरुको सामुहिक राजीनामा फिर्ता नभएसम्म सपथ गराउन नसकिने प्रधानमन्त्री झलनाथ खनालले बताउनुभएपछि सपथ कार्यक्रम अनिश्चित भएको हो । सबै नयाँ प्रधानमन्त्रीहरुलाई एकैपटक सपथ गराउन नसकिने प्रधानमन्त्रीका अडानका कारण पनि आज हुने भनिएको सपथको कार्यक्रम अन्यौलमा परेको छ । एकीकृत माओवादीले कृष्णबहादुरमहराको नेतृत्वमा रहेको अहिलेको सरकारको आफ्नो पार्टीको टोली फिर्ता बोलाएर उपाध्यक्ष नारायणकाजी श्रेष्ठको नेतृत्वमा नयाँ टोली पठाउने निर्णय गरिसकेको छ ।

यसैबीच माओवादीका नयाँ प्रस्तावित मन्त्रीहरुलाई सपथ गराउने प्रधानमन्त्रीको खनालको निर्णयप्रति नेकपा एमालेका नेताहरुले आश्चर्य व्यक्त गरेका छन् । प्रधानमन्त्रीले आफ्नो विशेषाधिकारको आधारमा सपथ गराउन लागेको बताउनुभए पनि पार्टीले अहिलेको स्थितिमा सरकार पुनर्गठनको कुनै अर्थ नभएको निर्णय गरिसकेकोले उहाँले मान्नुपर्ने अरु नेताहरुको तर्क छ ।

भर्खरै थपिएका पोष्टहरू

पछिल्ला समाचारहरु

प्रवास खबर

स्थानिय समाचार

[सुन्दरसंसार-मनोरञ्जनात्मक वेभपत्रिका,आज तपाइँले हेर्नुभयो?]